مبرمج جديد وبتدور على شغل ؟ عايز تعرف ازاى تقدم على شغل Full Time فى شركات البرمجة ؟

مبرمج جديد وبتدور على شغل ؟ عايز تعرف ازاى تقدم على شغل Full Time فى شركات البرمجة ؟

👈 الخطوة الاولى : هنا انت هتكون اتخرجت من الجامعه، واتخصصت فى لغة برمجة محدده، وعرفت التقنيات المطلوبة فى سوق العمل ودرستها، جهزت الCV بتاعك بشكل منظم ولو عندك مشروعات واعمال سابقة رفعتها على GitHub وحضرت كمان cover letter محترم.

👈 الخطوة التانية : دلوقتى انت جاهز تبدأ تقدم على شغل () وفى كذا طريقة ممكن تستخدمها علشان تلاقى الشغل اللى نفسك فيه!

اولاً : انك تبعت الـ CV بتاعك على الايميل لكل الشركات اللى مهتم بيها، او انك تروح بنفسك للشركات وتقدم الـ CV بتاعك لقسم الـ HR، علشان لما يكون فى تعيين يرجعوا يتوصلوا معاك.

ثانياً : انك تحضر معارض التوظيف اللى بتنفذها وزارة الأتصالات او مواقع التوظيف والمؤسسات المختلفة

ثالثاً : انك تعمل اكونت على مواقع التوظيف المختلفة وتقدم على كل الوظائف اللى بتنزل عليها بشكل يومى

اشهر مواقع التوظيف :
- موقع وظف :
www.wuzzuf.net
- موقع جوبزيلا
www.jobzella.com/en
- موقع بيت
www.bayt.com/ar/egypt/
- موقع شغلنى
/www.shaghalni.com/ar/

رابعاً : تتابع الوظائف اللى بتنزل على مواقع السوشيال ميديا وخصوصاً جروبات الفيس بوك زى
Information Technology Jobs
https://bit.ly/2UEIbMi

IT Jobs in Egypt
https://bit.ly/2GfV4lL
مبرمجين مصر
https://bit.ly/2VVzglS

خامساً : انك تجهز اكونت linkedin بتاعك كويس، لأنه فرصة هتجبلك الشغل لحد عندك

ولو متعرفش لينكد إن، هو شبكة للتواصل الأجتماعى زى الفيس بوك او تويتر ولكن للتواصل المهنى فقط، يعنى ممكن تتواصل عليه مع اصحاب الشركات او مع اشخاص بتشتغل فى المجال بتاعك او اى مجالات تانيه انت مهتم بيها.

طيب وازاى اكونت لينكد إن ممكن يجبلك الشغل؟

لما بتسجل فى لينكد إن بيكون عندك ملف شخصى بتضيف فيه معلومات عنك، وعن مهاراتك وعن وظيفتك الحالية، وتضيف مؤهلاتك التعليمية وموجز لحياتك المهنية او الأنشطه اللى عملتها. وصفحتك الشخصية دى تعتبر السيرة الذاتية بتاعتك على الإنترنت، وعشان كده لازم تهتم بيها جداً جداً، لأنها ممكن تكون سبب قوى يخلى شركات البرمجة تتواصل معاك عشان تروح انترفيو.

وده الى جانب ان لينكد إن بيوفرلك محرك بحث للوظائف، ممكن تدور بأسم الوظيفة وهيظهرلك كل الوظائف المنشورة على الموقع بالأسم ده، وكمان انت لازم بعد ما تسجل تتابع كل شركات البرمجة والـ IT والشركات الكبيرة الموجوده على لينكد إن، لأن شركات كتير جداً بتستخدم لينكد إن فى نشر إعلانات الوظائف وعروض العمل.

👈 الخطوة التالته : استعد للانترفيو 👔 الانترفيو الـ Technical /الانترفيو الشخصى

فى الانترفيو الـ Technical هيسألك فيه عن اللغة اللى انت بتشتغل بيها وعن التقنيات اللى تعرفها والمشروعات اللى نفذتها قبل كده، وغالباً هيكون فى Task هيطلبوا منك تنفذها فى الانترفيو نفسه او هتوصلك على الايميل قبل او بعد الانترفيو

والانترفيو الشخصى بيكون اسئلة شخصية عن حياتك وطموحاتك والخطوات اللى اخدتها سواء فى الجامعه او بعد التخرج وعن خبراتك السابقة لو اشتغلت قبل كده

ممكن تشوف اشهر الأسئلة اللى ممكن تقابلك كمبرمج فى الأنترفيو واجابتهم من هنا

https://bit.ly/2KQh782

ولو حابب تعرف اكتر عن الفرق بين المبرمج فى شركة والمبرمج الفرى لانسر، وكمان تعرف ازاى تبدأ فى مجال الفرى لانسر، ممكن تشوف البوستات السابقة من اللينك التالى :

طيب وايه هى افضل مواقع فرى لانسر ممكن تبدأ بيها ؟ 

🔹 موقع Fiverr :
https://www.fiverr.com/
🔹 موقع Upwork :
https://www.upwork.com/
🔹 موقع Freelancer : 
https://www.freelancer.com/

مواقع عربية زى : 

🔹 موقع مستقل : 
https://eg.mostaql.com/
🔹 موقع FreelanceMe : 
http://www.freelanceme.net/
🔹 موقع خمسات : 
https://khamsat.com/
🔹 موقع مهاراتى :
https://www.maharati.com/ar/

👈 لو خلاص قررت تبدأ ممكن تشوف شرح بالعربى لطريقة استخدام موقع Upwork من هنا : 
https://goo.gl/HEamjr

شرح طريقة استخدام موقع فريلانسر من هنا :
https://goo.gl/H7dqHl

👈 شوف كمان افضل المواقع العربية اللى بتكتب فى مجال الفريلانسر:

🔹 موقع فريلانستيشن ، هيساعدك تبدأ وتعرف معلومات اكتر عن المجال.
https://www.freelancestation.net/

🔹 موقع وحوش الفريلانس ، هيجاوب على اسئلة كتير بتفكر فيها وكمان هتشوف تجارب ناس تانيه بدأت فى المجال.
https://freelancemonsters.com/

ولو بتشتغل بالفعل حالياً فريلانسر احكلنا بدأت ازاى ؟ وايه المشكلات اللى قابلتك فى المجال ؟